മൗലാനാ റൂമിയും 'ലിബറൽ സൂഫിസവും': കാമ്പ് ചോർത്തിയ വായനകളുടെ യാഥാർത്ഥ്യം

പാശ്ചാത്യ ലോകത്ത് വെറുമൊരു "പ്രണയ കവി" ആയി ചിത്രീകരിക്കപ്പെടുമ്പോഴും, റൂമി അടിസ്ഥാനപരമായി ഹനഫി മദ്ഹബിലെ വലിയൊരു ഇസ്ലാമിക പണ്ഡിതനും, ഫഖീഹും, മുഫ്തിയും അധ്യാപകനുമായിരുന്നു. അദ്ദേഹത്തിന്റെ ലോകപ്രശസ്തമായ മാസ്റ്റർപീസ് ഗ്രന്ഥമായ 'മസ്നവി' (Masnavi) പരമ്പരാഗതമായി അറിയപ്പെടുന്നത് "പേർഷ്യൻ ഭാഷയിലെ ഖുർആൻ" എന്നാണ്. ഖുർആൻ ആയത്തുകളുടെയും തിരുനബി (സ്വ) തങ്ങളുടെ ഹദീസുകളുടെയും പ്രായോഗിക ആത്മീയ വ്യാഖ്യാനങ്ങളാണ് മസ്നവിയിലെ ഓരോ കഥയും വരികളും. ഖുർആനിലും പ്രവാചകചര്യയിലും ഊന്നിയല്ലാതെ റൂമിക്ക് മറ്റൊരു വഴിയുണ്ടായിരുന്നില്ല.